انا وحالي ... قرفت حالي ...

[abo_ahmad_83]

انا وحالي ... قرفت حالي ...

انا وحالي ... قرفت حالي ...

وانا عم اغسل وجهي طلعت على حالي في المراية .. كلنا بنعرف المراية بس انا نادرا ما اطلع عليها .. مع اني زمان كنت اطلع عليها كثير ايام الولدنة .. بس هسه بعد الواحد ما كبر بطل يطلع عليها الا في المناسبات .. وانا بطلع على حالي حكيت مع حالي حوار صغير ...

انا : متغير كثير ..


حالي : كول هوى واسكت ..


انا : بس والله حاسس حالي متغير وختيار كمان ..


حالي : شو يعني بدك تضل صغير ..


انا : مش هيك القصة ..


حالي : بس شو القصة يما ..


انا : لسه ما حققت احلامي ..


حالي : شو ما سمعت عيد ..


انا : احلامي واهدافي في الحياة ..


حالي : شو احلام وبطيخ اطلع من الابواب هي..


انا : بس من حقي احلم واتخيل ..


حالي : وشو احلامك يما ..


انا : مثل اي شب في الدنيا ..


حالي : وشو هي احكي تحكي عليك حيطة ..


انا : يعني اتزوج واكمل دراسة واشتري بيت وسيارة ويكون عندي ولاد و الخ ..


حالي : ايوة هاي هي احلامك بسيطة انا فكرت في مشكلة ..


انا : كيف بسيطة ..


حالي : اول 100 سنة صعبة وبعدها بتهون ..


انا : ول يا حالي ورح اضل للـ 100 انا ..


حالي : وشو بدك تعمل يعني ..


انا : مممممممممممممممممممم ..


حالي : عيش وانتا ساكت ..


انا : وكيف اضلني هيك يعني ..


حالي : اذا مش عاجبك كول هوى ..


انا : يعني ما في حل ..


حالي : في حل ..


انا : ايدي بزنارك شو هو ..


حالي : شو ما شفت احكي منيح ولا تطلع على المراية مرة تانية ..


انا : تيتي تيتي مثل ما رحتي مثل ما جيتي ..


صدقا مرات الواحد بحس في انفصام وما بعرف كيف صار يحكو مع حالو .. يعني مستغرب كثير رح تضل هيك الشباب ... مرات بفقد الامل ومرات برجع وبكذب على حالي انه في امل ..قرفت حالي يا عالم ... قرفت حالي يا بشر ... وعلى قولة حالي بدك تعيش يا وبدك تمشي الحيط وتقول يارب الستر .. وبدك تضل دافن راسك مثل النعامة ...

في حد بحكي مع حالو غيري ؟؟؟

[freesoul19]

آه والله صح كلامك
انا بالنسبة الي بحكي كتييييييييييييييير مع حالي
لدرجة اني مرات بحس اني عم بخسر عقلي شوي شوي

[dnf]

كلنا في ألهوى سوى
أذا صفت على ألحكي بسيطه
شو رأيكو فلي بيتقاتل مع حلو وبتوصل ألامور للمسبات ألطالعه وألنازله وكمان شوي رح توصل ألامور للضرب يعني لازم ألواحد يفتح مغفر لحل ألطوش بينه وبين حاله

[hooby6]

الله لا يبلينا و يثبت علينا العقل و الدين

[fadi-2008]

كلنا مثل بعضنا نتكلم مع حالنا و انا اكثر وحدة اتكلم مع حالي خصوصا لما اكون منفردة
في اكلم نفسي احاكيها اسالها .... مرات حتى كنت اقوم بدور انا البطلة و حالي هي الفنانة الي بعدي هههههه :d:d:d:d