القهوة لأول موعد غرامي

[abo_ahmad_83]

القهوة لأول موعد غرامي



أثبتت الإحصائيات في ألمانيا بعد استطلاع للرأي أن القهوة بأنواعها المختلفة ليست فحسب المشروب المفضل لدي الألمان وإنما أيضا المشروب المفضل عند التقاء الأحباء لأول مرة.

وذكرت نسبة 70% من الألمان أنها تفضل تناول القهوة في أول موعد غرامي وقالت نسبة 73% من السيدات إنها تسعد بالذهاب إلي قهوة متميزة عند تلبية دعوة أحد المعجبين في حين أعربت نسبة 54% من الرجال تفضيلها شرب القهوة في أول موعد غرامي.

كما أظهر الاستطلاع أن نسبة 20% من الألمان تفضل شرب البيرة أو الخمر عند التعارف الأول وتراجعت في المقابل نسبة المتحمسين لحضور الدعوة علي العشاء إلي خمسة بالمائة فقط. أجري الاستطلاع مؤسسة الأبحاث الاجتماعية في هامبورج بتكليف من رابطة شركات القهوة في ألمانيا وشارك في الاستطلاع 1064 سيدة ورجل تتراوح أعمارهم بين 18 و 65 عاماً.


المصدر رشفة قهوة :

http://rshfa.re7an.net/a/m7/

[desert-_-rose]

الله الله

ربنا يسعدو ابو احمد الي بيعرف شو يجيب ويكتبلنا..

اي هيدا الحكي...

شوف الاهوة شو مفيدة ؟؟

لدرجة انو الالمان نفسهم ( الي ما بيعجبهم العجب) لا يرضون بغير القهوة مشروب الهم حتى في المواعيد الغرامية... لووووووووووووووووووول

يا عمي كم مرة انا التها...

فنجان الاهوة لو يعرفو الناس قيمتو بس!!!!

لك 90% من المشاكل بتنحل بأعدة فنجان اهوة..

شوف العرب وتاريخهم وبالزات عند البدو.. اي مشكلة بتلائي فنجان الاهوة هوي الاساس.. ازا انشرب معناها انحلت المشكلة وبشارة خير..

لك واحد يزور التاني وما يرضى يشرب اهوة عندو اسمها اهانة لصاحب البيت...!!!

عند اي خطبة او طلبة عروس بتلائي الكل ناطر فنجان الاهوة..

وعند ستات البيوت المعدلة (متلي انا ) من فنجان الاهوة بعرف البنت الي نفسا بالاكل حلو وشاطرة والا...

شو احكي لاحكي عن فنجان الاهوة؟؟

مش ضايل غير احكيلكم انو ما بيزبط مع هالفنجان الصبح غير صوت الرائعة فيروز...

شهيتني على فنجان اهوة ابو احمد..

تضرب يا رجال ليش ما جهزتلك دلة اهوة عربية سادة لضيوفك