النهاردة فى اليوميات حصل حوار بين شهيناز و نادر ....شهيناز بتقول لنادر أنا بحبك على الاخر فهو قالها و أنا كمان بحبك على الأخر فقالتلوا لأ انت مبتحبينيش على الأخر فقالها لأ و الله بحبك فقالتله يا نسونجى فقالها لأ أنا مش نسونجى أنا متلخبط مش عارف أعمل ايه فقالتله ان القعدة فى الأكاديمية بتولد مشاعر غريبة فقالها أنا متلخبط و مش عارف أعمل ايه هشرحلك بس ياريت تفهمى ...قالها فى حاجات ببقى عايزها فى ايديا على الرغم من انها جنبى و حواليا الا انها بعيدة عنى و لو بقيت معايا و فى ايديا هنسى أى حاجة تانية ...تفتكروا قصده ايه ؟؟؟
ممكن يكون قصده ميرهان على اساس انها حواليه و جنبه بس مش معاه لأنها مش حاسة بيه و لو بقت معاه هينسى أى حاجة تانية قصده الدنيا و منال .
فاكرين فى يوميات امبارح لما كان بيتغزل فى عين ميرهان و يقولها ان عينيها حلوة فهى قالتله انت اللى عينيك حلوة عشان كده شايف عينيا حلوة بس هما عاديين و بعد كده قالها أنا لما سافرت و كنت لوحدى فى الأوضة فكرت و اتأكدت من اللى أنا قولتهولك قبل كدة فقالتله are u sure فقالها yes i'm sure فقالتله are u sure that u're sure فقالها أيوة عزيزتى فقالتله أنا حاسة انك بين البينين فى النص يعنى فقالها لأ أنا مش فى النص فقالتله ممكن تندم لأنك هتسيب حاجة علشان حاجة فقالها أنا مش هندم لأنى من النوع اللى بحب أعيش اللحظة ومفكرش فى العواقب مهما كانت النتيجة positive or negative فقالتله بس انت كده ممكن تعمل حاجة تخلى ما فيش فرصة ان يكون فى negative or positive لأنك باللى هتعمله هتخلى النتيجة negative all the way
و بعد كده لما كان بيكلم معاها و يقولها أنا مستعجل و عايز أعرف فقالتله اتأكد من الطرف التانى فقالها طيب ايه رأى الطرف التانى فمردتش و ضحكت فتدخل زاهر فى الموضوع و قاله مقاليتلك لأ فقاله نادر ( الكاتشب بيرجر ) مقالش لأ ساب علامة استفهام دون جواب .
و اليوم بعد اليوميات على قناة نغم لما كانوا قاعدين على الكنبة و كانت ميرهان بتتكلم مع قويدر لأنه كان عايزها فى الايفال بتاعه و كان نادر قاعد جنبها و عينيه ما نزلتش من عليها و بعد كده راح سعد على البيانو و عزف مقطوعة موسيقية رومانسية فقال نادر لمحمد روح اقعد جنب ضياء و عيش اللحظة ( طبعا علشان يقوم محمد من جنب ميرهان و يخلى الجو لنادر ) و فعلا ميرهان و محمد بطلوا كلام فبدأ نادر يقرب شوية شوية من ميرهان فقال محمد : نادر بدأ.....بعد كده نادر قعد يلعب فى شعر ميرهان و يتكلم و يتغزل على أمل انها تبص عليه لكنها و لا هى هنا يا تبص لسعد و هو بيعزف يا تتكلم مع محمد فى الايفال بتاعه و استمرت الحالة ساعة تقريبا و نادر عايزها تعمل أى reaction وهى و لا الهوا. و قاعد يغنيلها أغنية عايشة بس كان بيقول ميما بدل عايشة و هى مبتبصلهوش و بتبص فى حتة تانية و عينيها فى الأرض .....لحد ما جاه ال اس ام اس نايت ......و كانت معظم الرسايل تقريبا لميرهان و نادر بس فى 3 عجبونى قوى ...الأولى بتقول لميرهان انها تاخد بالها من نادر و تحطه فى عينها و التانية بتقول لميرهان ان نادر بيحبها فياريت متتجاهلوش و التالتة بتقول ان اللى عارفين قيمة ميرهان بجد هما اتنين مدام مارى و نادر .
04-28-2008, 05:40 PM
آخر آخبار ميرهان و نادر من امبارح للنهاردة
العرض العادي
